एक समय पछाडिको लहरमा बसेका विद्यार्थीहरूद्वारा सुरु।

श्री मण्डली उच्च माध्यमिक विद्यालय, फूलखर्क शिक्षा क्षेत्रको एक महत्वपूर्ण मन्दिर हो, जसले राष्ट्र विकासमा महत्वपूर्ण योगदान पुर्‍याउँदै आएको छ। यस विद्यालयका उत्पादनहरू आज विभिन्न सरकारी कार्यालयहरूमा उच्च पदमा रहेर राष्ट्रको सेवा गर्नुका साथै अन्तर्राष्ट्रिय क्षेत्रमा समेत राम्रो स्थान हासिल गरी विश्वसामु राष्ट्रको पहिचान स्थापित गर्न सफल भएका छन्। यस विद्यालयले हालसम्म धेरै डाक्टर, इन्जिनियर, बैंकर, पर्यटन व्यवसायी, वकिल, शिक्षक तथा विभिन्न पेशा र व्यवसायमा संलग्न महिला तथा पुरुष जनशक्तिहरू उत्पादन गरिसकेको छ।

श्री मण्डली उच्च माध्यमिक विद्यालयका पूर्वविद्यार्थीहरूले विद्यालयलाई सहयोग गर्नुका साथै यसको प्रचारप्रसार गर्ने उद्देश्यले मण्डली पूर्वविद्यार्थी क्लब गठन गरेका हुन्। यस क्लबले विभिन्न भौतिक पूर्वाधार, आर्थिक तथा नैतिक सहयोग प्रदान गरी विद्यालयको शैक्षिक स्तर उकास्नसमेत समर्पित रहेको छ। यस क्लबको अर्को उद्देश्य विभिन्न क्षेत्र तथा पेशामा संलग्न पूर्वविद्यार्थीहरूलाई पुनः एकत्रित गरी उनीहरूलाई विद्यालय र हाल अध्ययनरत विद्यार्थीहरूको उज्ज्वल भविष्य तथा समग्र विकासका लागि प्रेरित गर्नु हो।